ବଂଚୋ ଗ୍ରାମର ଧର୍ମ ପରାୟଣା ବ୍ୟକ୍ତି ତଉଲି ବରାଳ ଙ୍କ ପରଲୋକ

ବଞ୍ଚୋ ଗ୍ରାମର ଶ୍ରୀ ତଉଲି ବରାଳଙ୍କ ପରଲୋକ

କଳିଙ୍ଗ ଦର୍ପଣ //ସତ୍ୟ ଦାସ //ଆନନ୍ଦପୁର 

୯୬ ବର୍ଷ ବୟସରେ ଇହଲୀଳା ସମ୍ବରଣ, ଗ୍ରାମରେ ଶୋକର ଛାୟା

ବଞ୍ଚୋ: ବଞ୍ଚୋ ଗ୍ରାମର ବରିଷ୍ଠ ତଥା ସଫଳ ଚାଷୀ ଶ୍ରୀ ତଉଲି ବରାଳଙ୍କର ୯୬ ବର୍ଷ ବୟସରେ ଇହଲୀଳା ସମ୍ବରଣ ହୋଇଛି। ତାଙ୍କ ବିୟୋଗ ଖବର ପ୍ରଚାରିତ ହେବା ପରେ ବଞ୍ଚୋ ଗ୍ରାମ ସମେତ ଆଖପାଖ ଅଞ୍ଚଳରେ ଶୋକର ଛାୟା ଖେଳିଯାଇଛି। ଜଣେ ପରିଶ୍ରମୀ ଓ ସଫଳ ଚାଷୀ ଭାବେ ସେ ଗ୍ରାମରେ ନିଜର ସ୍ୱତନ୍ତ୍ର ପରିଚୟ ସୃଷ୍ଟି କରିଥିଲେ।

ଦୀର୍ଘ ଜୀବନକାଳ ମଧ୍ୟରେ ଶ୍ରୀ ବରାଳ ନିଜ ପରିବାର ସହିତ କୃଷିକାର୍ଯ୍ୟକୁ ଆପଣାଇ ନିଷ୍ଠା ଓ ପରିଶ୍ରମର ସହିତ ଜୀବନ ଅତିବାହିତ କରିଥିଲେ। ତାଙ୍କର ସରଳ ଜୀବନଶୈଳୀ, ପରିଶ୍ରମୀ ମନୋଭାବ ଓ ମେଳାପୀ ସ୍ୱଭାବ ପାଇଁ ସେ ପରିବାରବର୍ଗ ଓ ଗ୍ରାମବାସୀଙ୍କ ନିକଟରେ ପ୍ରିୟ ଥିଲେ। ତାଙ୍କ ବିୟୋଗରେ ପରିବାର ଜଣେ ମୁଖ୍ୟ ଅଭିଭାବକଙ୍କୁ ହରାଇଥିବା ବେଳେ ଗ୍ରାମ ମଧ୍ୟ ଜଣେ ବରିଷ୍ଠ ଓ ଅଭିଜ୍ଞ ବ୍ୟକ୍ତିଙ୍କୁ ହରାଇଛି।

ତାଙ୍କର ମୃତ୍ୟୁ ସମୟରେ ବଡ଼ ପୁଅ ବିଷ୍ଣୁ ପ୍ରସାଦ ବରାଳ, ସାନ ପୁଅ ବିନୋଦ ବରାଳ, ଝିଅ ଝୁନୁଲତା ବରାଳ, ନାତି ଜ୍ୟୋତି ବରାଳ, ବିଶ୍ୱଜିତ ବରାଳ ଓ ସୁବାଶିଷ ବରାଳଙ୍କ ସମେତ ପରିବାରବର୍ଗ ଓ ଗ୍ରାମର ବହୁ ଲୋକ ଉପସ୍ଥିତ ଥିଲେ। ଶ୍ରୀ ବରାଳଙ୍କ ବିୟୋଗରେ ପରିବାରବର୍ଗ ଓ ଆତ୍ମୀୟସ୍ୱଜନଙ୍କ ମଧ୍ୟରେ ଗଭୀର ଶୋକ ପ୍ରକାଶ ପାଇଛି।

ତାଙ୍କ ବିୟୋଗରେ ଗ୍ରାମବାସୀ ଶୋକ ପ୍ରକାଶ କରିବା ସହ ଶୋକସନ୍ତପ୍ତ ପରିବାର ପ୍ରତି ଗଭୀର ସମବେଦନା ଜଣାଇଛନ୍ତି। ଜଣେ ସଫଳ ଚାଷୀ ଓ ବରିଷ୍ଠ ବ୍ୟକ୍ତି ଭାବେ ତାଙ୍କର ଅବଦାନ ଓ ସ୍ମୃତି ଚିରସ୍ମରଣୀୟ ହୋଇ ରହିବ। ଈଶ୍ୱର ତାଙ୍କ ଅମର ଆତ୍ମାକୁ ଶାନ୍ତି ପ୍ରଦାନ କରନ୍ତୁ ଏବଂ ଶୋକସନ୍ତପ୍ତ ପରିବାରକୁ ଏହି ଦୁଃଖଦ ସମୟରେ ଧୈର୍ଯ୍ୟ ଓ ଶକ୍ତି ପ୍ରଦାନ କରନ୍ତୁ।